منتديـات فراشــــة ليبيـــا
مرحباً بك عزيزى الزائر
بادر بالتسجيل لتتمتع بكل ما هو افضل ومميز فى منتدى فراشة ليبيا

منتديـات فراشــــة ليبيـــا


 
الرئيسيةالمنشوراتبحـثالتسجيلدخول

شاطر | 
 

 كيــف تعـــرف الليبــــي ...............

اذهب الى الأسفل 
كاتب الموضوعرسالة
علي محمد
عصو فضى


ذكر عدد المساهمات : 372

نقاط : 326

تاريخ التسجيل : 30/12/2012


مُساهمةموضوع: كيــف تعـــرف الليبــــي ...............   الجمعة 06 سبتمبر 2013, 23:24




كيــف تعـــرف الليبــــي




- إذا كان سألته عن الساعة وقاللك كيف امس هالوقت


- إذا سألته على شخص وقاللك قاعد في جيبي


- إذا كمل قرطاس "علبة" الدخان لازم يعفسها بيده قبل ما يرميها


- تحت كرسي السيارة حبلة والا يد الكريك


- لما يكمل السبسي يعفس عليه ويقوللك هلكنا الدخان قطع صحتنا وجيوبنا


- اذا كان شراء خبزة لازم ياخد منها كسرة وخصوصا الخشم القرماشي واحيانا فردة تعدي في الطريق وخصوصا كانهى ساخنة من الكوشة


- اذا كان حلف لك بالله وعرفك مش مصدقه ، كانهو قالك وراس العزوز والا الشياب راهو صادق ، ولكانهو حلف براسك راهو راسك عدا فيها وكذب عليك.


- كانهو بحت في الشمس وكسر عين وفتح عين وحط يده فوق حجاجه وقال الشمس اليوم قوية


- كانهو اسمه امراجع معش تسأل 100% ليبي.


- كانهو درس السيارة في القراج بسرعة 60 كم/س راهو ليبي


- كانهو حط مفتاح الدتسون كله في وذنه راهو ليبي.


- كان لقيت رولة مقلوبة تأكد ان سائقها ليبي.


- كانهو في الصبح قالك خير بدون كلمة صباح راهو ليبي


- كانهو حق أي طابور والا زحمة يخش فيها بدون ما يعرف عليش


- كان شاف عركة يخش يحز وبعدها يتكها معاهم ويقعد عنصر اساسي في المشكلة.


- كانهو حك راسه تحت الطقية والا الشنة راهو يبي يمشي عليك بضاعة عطيبة افطن لروحك.


- كانهو قاللك احسن سيارة هوندا 79 كسبتها والله يسامحها


- أي شيء ايضيفوه له يعقب منه شويا الا اللحمة يكملها وخصوصا اللحيمة الوطنية.


- كانهو حط الكشيك في العظم وطلع المخ راهو ليبي والا خبط العظم على السفرة علشان يطلع المخ.


- - ديما مستعجل


- يكره اسرائيل وحلمه وفى أولوياته تحرير القدس


- كانك لقيت حد يسال في عريس ثاني يوم دخلته ويقوله ما فيش حاجة على الطريق؟


- كانك عطست وقالك طار السوء


- كانك لقيت يسب في الليبيين ويفتخر بكونه ليبي راهو ليبي100%


- كانهو ولع سبسي من سبسي راهو ياما فرحان والا راقيتله ما فيش حل وسط.


- كانهو قال لاميته ، فركيته ،كشيك، كنتيره ، موتانتي ، مراميته ، زميطه ، بازين ،


- كانهو لقيته يأكل في المكرونة بالخبزة راهو ليبي


- كانهو لقيته يأكل وينفخ في الأكل لان الأكل يا ساخن او حار


- كانهو لقا طنجرة طبيخة على الغاز لزم يغمس فيها خبزة ويقوللك طنجرتك يا مشيطة يا ناقصة ملح "لازم يعلق"


- كانهو قمعز قدام النار لازم يحركها بعود حطب ويقوللك ناركم بالهون


- كانهو كملت عليه شيشة الشامبو لازم يزيدها اميه


- كانهو يسمع في نشرة الاخبار لازم يقول - ا س اس - حتى لو كانهو بروحه ما معاه حد


- كانهو غسل يديه لازم يطرطش علي إحداه اميه


- لو لقاء حد واقف على الطريق لازم ايوصله بسيارته


- كانهو دارلك رنة وسكر وقاللك كنك ما ترد علينا يا


- كانهو لقاء خبزة امطوحة ياخذها ويحولها على جنب ويقول حرام عزق النعمة لكن عادي يعزق الرز والمكرونة والدقيق كل شىء الا الخبزة !


- ما يرضاش الظلم حتى على غيره وخصوصا كانهوا لقاءك غريب


- لو لقاء حد عاطلة عليه سيارته يوقف ويساعده واذا لقاء عجلة سيارته مفشوشة أول سؤال يسأله له عندك اكريك؟



- السوداني اللي عاش في ليبيا قال اغرب شيء في الليبيين

1- الفحم الاسود يقولوا عليه بياض وانا يقوللولي يا لبيض

2- الاعمى يقولوا عليه بصير والبصير اللي بيلبس نضارة بينادوه يالعمى

3- السخان يقولوا عليه براد

4- المكرونة بياكلوها في الفطور والغداء والعشاء وأحيانا في السحور!

5- ع الطويل يقولوا "الطول اهبال" والقصير"القصر مصيبة" والسمين "دبه" والرفعيع يقولوا "امصفط" ويبلد في المطر

8- والمدمر يقولوا عليه معمر بعد 20 اكتوبر 2011 اصبح المردوم



كانك ضحكت على مليونيات المردوم معناها انت ليبي وليبي حر











@مما رآق لي@




الرجوع الى أعلى الصفحة اذهب الى الأسفل
Eng ALI
مراقب عام
avatar

ذكر عدد المساهمات : 510

نقاط : 473

تاريخ التسجيل : 19/12/2012

العمر : 30
الموقع : ليبيـــــــا

مُساهمةموضوع: رد: كيــف تعـــرف الليبــــي ...............   الجمعة 08 نوفمبر 2013, 21:48



موضوع مميز










شكراً لك




__________________________





الرجوع الى أعلى الصفحة اذهب الى الأسفل
Admin
المدير العام
avatar

ذكر عدد المساهمات : 1862

نقاط : 2201

تاريخ التسجيل : 07/12/2012

الموقع : طرابلس - ليبيا

مُساهمةموضوع: رد ....   الأحد 30 مارس 2014, 21:56





ههههههههههههههههههههه



موضوع رائع













__________________________





الرجوع الى أعلى الصفحة اذهب الى الأسفل
http://libyabutterfly.ba7r.biz
 
كيــف تعـــرف الليبــــي ...............
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديـات فراشــــة ليبيـــا :: الأقسام العامة
 :: المنتدى العام
-
انتقل الى: